Sakata la Kuwatimua Wafanya Biashara Ndondogo Maeneo Yasiyoruhusiwa Kuanza Tena

Eneo ziunganikiako
barabara kuu za jiji hili

Uamuzi wa kuhamisha wafanyabiashara  ndogondogo kwenye maeneo yasiyo ya kibiashara ulifikiwa mwishoni mwa wiki  hii wakati wa mkutano wa madiwani uliofanyika ukumbi wa  halmashauri ya Jiji la Mwanza . Mkutano huu uliwashirikisha viongozi wa wafanyabiashara hao.

Mkutano huu uliongozwa na  Diwani wa kata ya Mahina Mheshimiwa  Charles Chinchibela  (CHADEMA), ambaye ni Naibu Meya wa Halmashauri ya Jiji la Mwanza, alilitoa azimio hili.

Huku akiwatupia lawama nzito nzito baadhi ya  viongozi wa mji kwa kuvamia maeneo ambayo yaliyotengwa kwa ajili ya wafanyabiashara  hawa wadogo, alisema wafanyabiashara ndogondogo (machinga) jijini hapa ni kero na kushauri waondolewe kwenye maeneo yasiyotakiwa.

Halmashauri ya jiji tangu mwaka jana, imekuwa ikishirikisha  viongozi wa wafanyabiashara wadogo ili kujemga mazingira ya kukuza amani na maelewano kati ya viongozi wa mji na wafanyabiashara hawa.

"Tumekuwa mara nyingi tukilalamika kwa nini wafanyabiashara hawa hawaendi maeneo yaliyotengwa kwa ajili yao  kumba baadhi ya viongozi wa mji wamevamia maeneo hayo ," alielezea Mhe. Chinchibela .
Chinchibela, ambaye ni Diwani wa Kata ya Mahina,

 Amedai licha ya wafanyabiashara hao kutoiingizia mapato halmashuri hiyo, wanasabaisha msongamano usiokuwa wa lazima katika baadhi ya maeneo mjini hapa.

Mawazo haya yanatofautiana na ya baadhi ya viongozi wa CHADEMA, ambao  hapo awali wamekuwa wakiwashawishi machinga wasihame kwenye maeneo hayo, hali ambayo imekuwa ikisababisha uvunjifu wa amani kila wanapojaribu kuondolewa.

Akitoa mfano , Bw Chinchibela alitaja Sahara kama moja ya maeneo ambayo maofisa wa jiji wameishikilia. Akasema, eneo hilo, lilitengwa kutumika kama Hifadhi ya magari na halmashauri ilikuwa  ikipata milioni Sh24 kila mwaka.

"Sasa, eneo hilo kwa sasa halizalishi senti hata moja baada ya kutengwa kwa ajili ya wafanya  biashara wadogo ambao hadi kwa sasa hawapo kwenye eneo hili ," alisema Mhe. Chinchibela .

Kwa sasa , kwa mujibu wa diwani  huyu, eneo hilo lilikuwa linatumika kinyume cha sheria kwa biashara ya ngono wakati wa usiku. "Hii ni upotevu wa rasilimali za Halmashauri ya mji, " alibainisha.

Mheshimiwa  Charles Chinchibela  alisema haya hivi karibuni mwezi huu wa Aprili
 wakati wa Baraza la Madiwani huku akishangazwa na kutoondolewa kwa machinga hao wakati jiji lilitenga sh. milioni kwa ajili ya kuboresha maeneo wanayotakiwa kuhamia
.
Akijibu , Mhe. Stansilaus Mabula Meya wa Jiji la Mwanza  alimtaka diwani kuwasilisha ripoti rasmi katika ofisi yake kwa hatua za haraka badala ya kusubiri hadi mkutano wa  madiwani.

Mhe. Mabula alisema kuwa halmashauri ya jiji imetenga  baadhi ya maeneo ambayo ni rafiki kibiashara.  Maeneo haya  ni  eneo la kituo cha jumuiya ya Mirongo , eneo la Makoroboi, ukiondoa eneo la  kutembea  kwa miguu mbele  ya msikiti wa Wahindi.

Maeneo mengine ni kituo cha mabasi cha   kati ya mji, maarufu kama 'Tanganyika Bus Stand' , Kituo zamani cha mabasi ya Mukuyuni, eneo la barabara ya Vitunguu  (dampo ), Asante Moto, barabara ya Pamba  chini ya Daraja karibu na (White - pub ), Market Street isipokuwa nje ya picha ya  Samaki  na kituo cha daladala za Nyegezi.

Alibainisha kuwa maeneo ambayo wafanyabiashara ndogo ndogo  hawatakiwi kuendesha shughuli za kibiashara ni  kwenye barabara ya Nyerere  kutokea Nyamuhongolo njia ya kuingia  mji Mwanza karibu na jengo la  CCM  pande zote, barabara ya Pamba  kutokea  barabara ya  Nyerere pande zote, eneo la barabara  kuelekea kanisa la kikatoliki  la Bugando  kutokea barabara ya   Kenyatta  .

Mhe. Mawazo, ambaye aliwahi kuwa Naibu Meya, alipinga zoezi la kuwahamisha wafanyabiashara hao kwa kuwashirikisha mgambo wa Jiji.

Mhe, Mawazo pamoja na kutokufafanua sababu za kukataa mgambo wasitumike kwenye zoezi hili wachunguzi wa mambo wanadai huenda anahofu  kutokea tena yale. yaliyotokea katika zoezi kama hili siku za nyuma hususani lile la Novemba 2011.

Kwa kumbukumbu za  matukio ya nyuma kama hili, rejea ; a).Gsengo. b) jamiiforum