Na Wewe ni Mmoja wa Hawa Tisa Mpendwa Msomaji Wangu?

Daftari la njano la kuweka kumbukumbu za malengo,changamoto
,utekelezaji na tathimini ya kila siku

Yawezekana wewe ni mmoja wapo wa hawa watu tisa lakini usihofu kwani ufumbuzi wake  upo.

Utafiti umebainisha kuwa watu 9 kati ya kumi hawatumii kwa ukamilifu  uwezo wao wa kiakili katika kijiletea mafanikio.

Mtaalamu wa Fizikia na Hesabu Bwana Einstein ambaye ni Mmarekani mwenye asili ya Kijerumani alibainisha kwamba tunatumia asilimia 5% tu ya uwezo wetu wa kiakili.

Ukweli huu waweza kugeuzwa  sasa hivi kwa kutumia mbinu hii ya kujiuliza maswali manne kila siku .

Jambo la msingi la kuzingatia ni kwamba, amini kuwa ukifanyacho leo kinakuletea kesho nzuri au mbaya.

Maswali haya ya kujiuliza kila siku yako mara mbili. Maswali mawili ya kujiliza mwanzoni mwa siku na mawili ya kujiuliza mwishoni mwa siku.

Maswali mawili ya kujiuliza kila unapoianza siku.

1.Nini ninataka leo hii?

Jiulize ni nini unakitaka ? Weka malengo yako kwa siku hiyo husika. Yaandike kwa kifupi kabisa.Usiweke mambo mengi unapoanza. Anza na mambo mawili  na ongeza siku zinavyo ongezeka. Andika  malengo yako katika vitenzi majina na usitumie wakati ujao kama nita… Hii husaidia upimaji wa lengo lako.

Kwa mfano waweza kujiwekea lengo kama hili.

a)        Kusoma barua pepe zangu zote na kuzijibu.

b)       Kufua nguo zote chafu.

2.Zipi ni changamoto katika kutekeleza malengo ya leo ?

Jiulize changamoto unazofikiri ziko mbele yako katika utekelezaji wa malengo uliyojiwekea.Tafuta ufumbuzi wake.

Watu wanaofanikiwa mara zote hulenga mbali. Jua changamoto zilizo mbele yako kila siku.

Maswali mawili ya kujiuliza mwishoni mwa siku.

1.Nimefikia malengo yangu ya siku ya leo ?

Kuweka malengo na kujua changamoto hakutoshi.Tathimini ni muhimu ili kujua kama kuna mafanikio au la.Tathimini husaidia kujua wapi umefanikiwa na wapi hukufanikiwa na kwa nini? Kwa kujua haya utakuwa katika nafasi nzuri ya kuweka malengo mazuri yanayotekelezeka.

Jiulize kila siku kama umefanikiwa katika kile ulichotaka?

2. Nimejifunza nini leo?Kupata mafanikio mazuri na kwa haraka  hutokana na kujifunza kwa kila siku.Tumia muda mfupi kila siku kujiuliza kile ulichojifunza siku hiyo.Laweza kuwa ni jambo dogo au kubwa cha muhimu ni kutumia hayo maarifa mapya unayoyapata kwa mafanikio zaidi. Unavyojifunza mapya ndivyo unavyokuwa katika nafasi ya kusonga mbele zaidi kimaendeleo.

Jiulize kila siku nini umejifunza kwa siku hiyo.

Nakutakia mafanikio.